“Tītoko o te rangi whakawhiti o te rā whakaaio whenua e”
It is through our deliberate actions that we design our destiny
Ko Te Taumata o Ngāti Whakaue Iho Ake Trust te rōpū ārahi i whakatūria e Ngāti Whakaue, mā Ngāti Whakaue, hai whakatinana i ngā wawata o tō tātau iwi i ngā pou matua o te mātauranga, te reo Māori, me te oranga ā-pāpori.
He waka tēnei mō te whanaketanga whakakaupapatanga, ā, kua ū mātau ki te kōkiri i ngā tino take pāpori e whai tikanga nui ana mō tō tātau iwi. Mā te mārama hōhonu ki ngā hiahia o ngā whānau me te hono ki ngā rōpū whai whakaaro ōrite, kua waihangatia, kua tukuna hoki e mātau he kaupapa auaha e hua ai he panonitanga whai tikanga, he panonitanga toitū hoki mō te oranga tonutanga o Ngāti Whakaue me ngā hapori whānui e noho ai mātau.
I ēnei rā, ka toro atu ā mātau mahi ki ngā whānau, rangatahi, tamariki, me ngā pēpi, mā ngā ratonga me ngā kaupapa kounga-kairangi e hāngai pū ana ki te whānau. Nā te tira kaimahi ngākau nui e ārahi ana, ka kawea e mātau ngā uara o te manaakitanga, te whanaungatanga, te kaitiakitanga, te pono me te tika, me te mana motuhake i roto i ā mātau mahi katoa.
Te Taumata o Ngāti Whakaue Iho Ake Trust stands as a leadership organisation, established by and for Ngāti Whakaue to realise the aspirations of our iwi across the vital domains of education, te Reo Māori, and social wellbeing.
As a vehicle for transformative development, we are committed to advancing the social determinants that matter most to our people. By deeply understanding the needs of our whānau and forging partnerships with like-minded organisations, we have designed and delivered innovative initiatives that create meaningful and lasting shifts in the wellbeing of both Ngāti Whakaue and the wider communities in which we live.
Today, our work reaches hundreds of whānau, rangatahi, tamariki, and pēpi through high-quality, whānau-centred programmes and services. Guided by a dedicated team of poumahi, we embody and uphold the values of manaakitanga, whanaungatanga, kaitiakitanga, pono me te tika, and mana motuhake in all that we do.